Baskin Robin lopeh terawih waghih...

Tekonang seminggu yang lopeh.

Sememang eh inilah aktiviti wajib tiap kali selosai solat terawih. Omak and Ayah sey memang tak ponah ngelat. Tughun jo dari mesojid memang semasing dah pasang niat dalam ati flavor yang nak dimintak.

Seminggu kek Mokah, seminggu jugak la Omak ngan Ayah sey dok mengkhatam segalo peghaso yang ado kek kodai Baskin Robin tu. Sampaikan budak yang kek kodai tu pun dah konal ngan muko sey.

Tuhan tu memang kayo.. kalau selamo ni Omak sey tak tahan makan bondo yang sojuk-sojuk (semanjang sakit bahu la lopeh tu), ini takdo la pulak do. Sodappppp jo semangkuk dilayan eh. Ayah sey pulak memang takdo problem. Sumo bondo dio OK.

Sebonar eh time kito oghang makan eskerim ni, oghang baghu balik terawih. Jadi darikan bepusu-pusu ngan oghang kek jalan tu, kita oghang pun duduk-duduk la dulu sementagho nunggu jalan tu ghodo sikit.

Pemandangan biaso tiap kali abih solat terawih

Dah tontu la Omak sey tu gear ghondah, jadi eh dah macam tu.. kono la banyak soba. Dio jalan pun dah selow. So daghi sey angin dek kono siku dek oghang kiri kanan.. elok la sey ambik angin dulu.

By the time abih semangkuk eskerim, oghang pun dah ghodo. Jalan pun dah clear sikit. Toruih boli bokal untuk sahur pulak.

Sok sok kito sambung cito laei yo.

Wassalam..